Боза е освежителен ниско алкохолен (1%) пијалок направен со ферментација на пченица, шеќер и квасец. Според некои податоци, потекнува од Месопотамија а на Балканот се проширила со доаѓањето на османлиите. На блискиот исток е позната како пиво од интегрални житарки. Во Египет и до ден денес се изработува под сличното име – „Bouza”.
Многумина спорат околу вкусот на бозата и вечна e дилемата дали ни се допаѓа поради пријатните спомени од детството или поради самиот вкус. За мене лично, бозата е слатко енергетско „благце” од типот на Сутчијаш, Салеп или Ашуре кое се пие во моменти на опуштање...
