Подготовка Тешка 120 мин. 8 лица

1. Најважно за крцкавоста на тестото е начинот на кој го третирате тестото. Секогаш треба да биде ладно! Путерот го делиме на два дела: еден од 350гр и друг од 650гр.

1. Делот од 650гр путер се сецка на коцкички кои се распоредуваат на плех покриен со хартија за печење. Плехот го ставаме во комора за длабоко замрзнување (ледник) за да се замрзнат коцкичките. Останатите 350гр исто така се сецкаат на мали коцкички но не се смрзнуваат туку се ставаат во фрижидер за да не омекнат додека го работиме брашното.
    
2. Брашното го просејуваме низ сито и го ставаме во процесор за храна (оној кој има нож за сецкање на дното). Додаваме шеќер, сол и 350гр ладен путер. Го вклучуваме процесорот неколку пати кратко на функција „ПУЛС”. (Не трба да го матиме тестото туку само кратко да ги промешаме состојките а путерот да остане ладен). Ги додаваме одеднаш јајцата и жолчките и повторно кратко пулсираме 2-3 пати. Тестото не треба да стане како топка туку да остане во вид на масен прашок и трошки кои кога ќе ги стиснете се спојуваат во тесто.
    
3. Потоа, ги додаваме смрзнатите коцкички путер (650гр) од ледникот и повторно кратко пулсираме. Путерот не треба потполно да се раствори, туку низ тестото треба да останат зрнца од путер кои подоцна при печењето ќе направат мали „џебчиња“ од кои ќе стане екстра крцкаво.
    
4. Смесата ја делиме на 4 дела и секој дел го завиткуваме во форма на топка во фолија за храна а потоа топката со се фолија ја сплескуваме со сукало да добиеме округла површина со дебелина од околу 1см. Вака подготвените теста обвиткани во фолија ги ставаме во замрзнувач околу 30мин за да се изладат убаво. 
    
5. Потураме брашно врз површината каде ќе го развлекуваме тестото, вадиме една кора од фолијата и ја посипуваме одозгора со малку брашно. Ставаме брашно и врз сукалото иако поради фактот дека тестото е речиси смрзнато - нема да се лепи. Го развлекуваме на дебелина од 5мм и со кружен нож за пица сечеме ленти од 10х30см. Секоја лента ја превиткуваме на 3 дела (за да довиеме коцка од 10х10см). Оваа коцка ја пресекуваме по дијагонала за да добиеме тријаголник.  Додека работиме со тестото внимаваме секогаш да биде добло изладено. (Останатите кори чувајте ги во фрижидер додека да дојде нивниот ред за сукање)
    
6. Тријаголниците ги редиме во подмачкан плех. Откако ќе го наредиме плехот, печеме на 150°C околу 70-80 минути.

Во рерната триаголниците ќе нараснат како перничиња. Внимавајте да не се препечат зошто ќе станат тврди како бисквити. Треба да имаат светло жолта боја и да останат лиснати и ровки.

1. Водата и шеќерот ги ставаме да вријат. Го додаваме сокот од лимонот, малку истругана кора од лимон и вариме додека течноста не добие густина на мед. Тргаме од оган и го додаваме циметот и ванилата. Оставаме да се излади убаво. Мошне вкусен додаток е ако половината од шеќерот ја замените со цветен мед.
    
2. ВРЕЛИТЕ Назлифатме ги полеваме со ЛАДЕН шербет. Оставаме убаво да се излади и соковите да се впијат во перничињата. Највкусно е по 2-3 дена стоење на ладно.

Потребни состојки:

Тесто

1кг путер

4 јајца и 9 жолчки

Шербет

3 кг шеќер